စစ်တွေမြို့ အခြေအနေ ပုံမှန်နီးပါး ပြန်ဖြစ်လာ

ဇွန်လ ၁၆ ရက်တွင် စစ်တွေမြို့သို့ ကျန်းမာရေးနှင့် ရှာဖွေကူညီကယ်ဆယ်ရေးအဖြစ် ရန်ကုန်တိုင်း ကြက်ခြေနီတပ်ဖွဲ့ဝင် ၄၀ ဦးနှင့် မီးသတ်တပ်ဖွဲ့ဝင် အင်အား ၂၀၀ တို့ လေ  ယာဉ်ဖြင့် နေ့လည်ပိုင်း တွင် ရောက်ရှိလာခဲ့သည်။ လေယာဉ်ကွင်းမှ နာဇီဈေးသို့ တိုက်ရိုက်သွားရောက်ပြီး မီးလောင် ဆုံးရှုံးမှုကြောင့် ပျက်စီးခဲ့သော အပျက်အစီးများကို စတင်ရှင်းလင်းခဲ့ကြသည်။

စစ်တွေမြို့တွင် ဒုက္ခသည်စခန်း ၅၁ ခုရှိနေပြီဖြစ်သည်။ ဒုက္ခသည်များမှာ ကြောက်လန့်မှုဖြင့် စိုး ရိမ်နေကြဆဲဖြစ်ကြောင်း သိရသည်။

ဓာတ်ပုံ- ဂျေမောင်မောင်(အမရပူရ)

စစ်တွေမြို့ပေါ်တွင် ဈေးဆိုင်ခန်းတစ်ချို့ ဖွင့်လှစ်ရောင်းချလာကြပြီး ပြည်သူအများစုမှာ ယခင်ပုံ မှန်နီးပါးအတိုင်း သွားလာလှုပ်ရှား နေကြပြီဖြစ်သည်ကို တွေ့ရသည်။ မော်တော်အများစုမှာ ကယ် ဆယ် ရေးစခန်းများအတွက် စားနပ်ရိက္ခာနှင့် ထမင်းထုပ်များ၊ ရေသန့်ဘူးများ တင်ဆောင်ကာ မြို့ တွင်း လမ်းမများတွင် သွားလာနေကြသည်။ စစ်တွေမြို့ပေါ်တွင် ကယ်ဆယ်ရေးစခန်းများ အတွက် အလှူငွေနှင့် စားနပ်ရိက္ခာများ အလှူခံလျှက်ရှိသည့် နေရာများကို အသီးသီးတွေ့မြင်နေရ သည်။ ယခင်တွေ့မြင်နေကျမြင်ကွင်းများနှင့် ခြားနားသည်မှာ စစ်တွေမြို့လမ်းများပေါ်တွင် ဘင်္ဂါလီ လူမျိုး များကို မတွေ့မြင်ရခြင်းပင်ဖြစ်သည်။ ပုဒ်မ ၁၄၄ ကို ဇွန် ၁၇ ရက်အထိ ဆက်လက်ထုတ်ပြန် ထား ဆဲဖြစ်ပြီး ယင်းဥပဒေရုပ်သိမ်းပါက နောက်တွဲပြဿနာများ ဖြစ်ပေါ်လာမည်ကို ရခိုင်လူမျိုးအများ စုက စိုးရိမ်ပူပန်နေဆဲဖြစ်သည်။ “မာရှယ်လောက အခုရုပ်သိမ်းလို့မဖြစ်သေးဘူး။

ညဖက်မာရှယ်လောရှိနေလို့လည်း ဒီလောက်ငြိမ်နေတာ။ မရှိရင် ဟိုဖက်ဒီ ဖက် ပြဿနာတွေဖြစ်နိုင်သေး တယ်။ အဓိကကတော့ လုံခြုံရေးအင်အား အပြည့်အ၀မရှိ တာရယ်၊ လုံခြုံရေးယူထားတဲ့ လူတွေ မကျွမ်းကျင်တာရယ်ပဲ။ ဒီညတွေတော့ စစ်တွေမြို့က နေရာ ၂၀ ကျော်ကို စစ်တပ်လုံခြုံရေးအပြည့်ချထားတဲ့အတွက် ပြဿနာတွေမရှိပါဘူး”ဟု RNDP ပါတီမှ ပြည်နယ်လွှတ်တော် ကိုယ်စားလှယ် ဦးအောင်မြကျော်ကဆိုသည်။ အနှေးယာဉ်မောင်းများ၊ ဆိုင်ကယ်တက္ကစီများလည်း ပြန်လည်ထွက်လာကြပြီဖြစ်ပြီး စာသင်ကျောင်းများမှာတော့ ဆက် လက်ပိတ်ထားဆဲဖြစ်သည်။

မူရင်း။http://www.myanmarupdates.com/link/frame?cat-id=1&url=feedproxy.google.com/~r/thithtoolwin/yIWV/~3/l_NdR3SYcsQ/blog-post_8857.html